কৰ্মৰ প্ৰচণ্ড চাপ, মানসিক অস্থিৰতা, ৰাতি দুপৰতে সাৰ পোৱাৰ অভ্যাসৰ পৰা আৰম্ভ কৰি গোটেই দিন ৰাতি ফোনত বহি থকালৈকে। আপোনাৰ চকুৱে বহুত টান ল’ব লাগে। ফলত চকুৰ তলৰ ডাৰ্ক চাৰ্কল পৰিবলৈ আৰম্ভ কৰে। চকুৰ চৌপাশৰ কোষবোৰ বিভিন্ন কাৰণত চাপৰ ফলত ক্ষতিগ্ৰস্ত হয়।
ধূমপানৰ ফলতো এনে হ’ব পাৰে । যদিহে চকুৰ চৌপাশৰ ছাল পাতল হয় তেন্তে চকুৰ চাৰিওফালে থকা চৰ্বিৰ পৰিমাণ কমি যাব, কিন্তু আইৰণৰ অভাৱত ৰক্তহীনতা হ’লে চকু ক’লা হ’ব।
ছালখনত বলিৰেখা হ’লে চকুৰ উজ্জ্বলতা কমি যায়। যেতিয়া আপোনাৰ সৌন্দৰ্য্যৰ প্ৰকৃত আকৰ্ষণ ধ্বংস হয়, তেতিয়া আপুনি বেয়া অনুভৱ কৰে,বহুতে চকুৰ তলৰ এই ক’লা দাগবোৰ আঁতৰাবলৈ বজাৰত বিভিন্ন ধৰণৰ প্ৰসাধন সামগ্ৰী ব্যৱহাৰ কৰে। কিন্তু যিবোৰ প্ৰসাধন সামগ্ৰীয়ে সকলোকে একে ফলাফল দিয়ে সেইবোৰ নহয়।
ঘৰুৱা উপায়েৰেও চকুৰ তলৰ ক’লা দাগ আঁতৰাব পাৰে।
এই মিশ্ৰণটো বনাবলৈ লাগে মাথোঁ এচামুচ নাৰিকল তেল আৰু দুচামুচ এলোভেৰা জেল। দুয়োটাকে বহুত ভালকৈ মিহলাই পেক এটা বনাওক।
প্ৰতি নিশা শুই উঠাৰ আগতে পেকটো চকুৰ চাৰিওফালে আৰু তলৰ পৰা ওপৰলৈ লাহে লাহে মালিচ কৰিব লাগে।
মিশ্ৰণটো এটা পাত্ৰত সাতৰ পৰা দহ দিনলৈকে ৰাখিব পাৰে ইয়াক ফ্ৰীজত বা ঘৰৰ যিকোনো ঠাইত ৰাখিব পাৰি। দৈনিক ব্যৱহাৰৰ লগে লগে চকুৰ চাৰিওফালে থকা ক’লা বৃত্তবোৰ নাইকিয়া হৈ চকু দুটা উজ্জ্বল হৈ পৰিব আৰু ছালখন টান হৈ পৰিব।
লগতে দৈনিক আহাৰত ভাত, ৰুটি, সেউজীয়া শাক-পাচলি, ফল-মূল, গাখীৰ, মাছ, মাংস বা কণী আদি স্বাস্থ্যকৰ খাদ্য ৰাখক। শৰীৰত পানীৰ অভাৱ হ’লেও চকুৰ ডাৰ্ক চাৰ্কল পৰে। প্ৰচুৰ পৰিমাণে পানী খাব লাগে তেতিয়া ছালখনে হেৰুৱা উজ্জ্বলতা ঘূৰাই পায়।